طريقة تحضير الفطير المشلتت بحشوة الدجاج اللذيذة

المقادير:

فطير مشلتت (السنبلة )

صدور دجاج

 صوص التتبيلة : ( ليمونة +ملعقه خل +فصين ثوم مهروسه + بهارات )

بطاطس مقطعة مربعات صغار

 شرايح بصل 

 فلفل رومي

 زيت 

 ملعقة كاتشب

 ملعقة صوص الصويا

 ملعقتين جبن + ملعقتين مايونيز

طريقة التحضير:  

تقطعين صدور دجاج وتتبلينها بالصوص ,خليه بالثلاجه اطول فترة .. اقل شي 3 ساعات اذا جيتي تسوين الحشوة اول شي اقلي بطاطس مربعات صغار بتحتاجينها اخر شي وبعدين شوحي شرائح بصل مع فلفل رومي بزيت واذا ذبل حطي بهارات وملعقه كاتششب وصوص الصويا (كثري لانه يطعم ) وبعدين حطي الدجاج لين يتسبك ويستتوي واخر شي اضيفي البطاطس .. بس تحريكتين بعدين سكري النار واخلطي ( ملعقتين جبن + ملعقتين مايونيز) وحطيها عليه واخر شي حطي خس شرائح وبصحة وهناء.